Nibble me, please

Personalpsykologi er eit sentralt emneområde innan det arbeidspsykologiske felt, der fokus er på individet i organisasjonen. Faget består av a) individet sine føresetnader for rollen som medarbeidar, og b) organisasjonen si handtering av den enkelte som medarbeidar. Studentane skal få ei grunnleggande innføring i sentrale personalpsykologiske emne, inkludert individuelle faktorar som påverkar individet si oppleving, sin åtferd og sine prestasjonar i ein gitt organisasjon, og på tvers av organisasjonar. Vidare skal studentane få ei innføring i aktuelle utfordringar som organisasjonar står overfor i forhold til rekruttering, utveljing, evaluering, ivaretaking, utvikling og avvikling av arbeidstakarar.
Fagleg innhald
1.Det personalpsykologiske fagfelt og metodegrunnlag

Studenten skal kunne gjere greie for:
- Sentrale faglege problemstillingar, historiske utviklingslinjer og metodiske grunnlag.

2.Individuelle forhold som påverkar åtferd i jobbsamanheng
Studenten skal kunne gjer greie for:
- Verknaden av individuelle og interpersonlege faktorar som sjølvbilde, sjølvinnsikt, personpersepsjon, - impression management” under jobbsøking og i konkurransen på arbeidsmarknaden.
- Korleis individfaktorar som personlegdom, intelligens, persepsjon, læring og informasjonsomarbeiding, påverkar åtferd i jobbsamanheng.
- Verknaden av individfaktorar i seleksjon, opplæring og motivasjon av medarbeidarar i jobbsamanheng.

3. Individet i organisasjonen
Studenten skal kunne gjere greie for:
- Ulike faktorar som påverkar tilsette sin organisasjonstilhøre - her under forhold som påverkar den psykologiske kontrakt mellom individ og organisasjon.
- Organisatoriske faktorar som påverkar medarbeidarar sin læring og korleis organisasjonar kan legge til rette for livslang læring og utvikling hos den enkelte medarbeidar.
- Etiske problemstillingar og dilemma som man kan møte som tilsett i ei verksemd - her under fenomenet “whistleblowing” (organisatorisk varsling).

4. Organisasjonens handtering av sine medarbeidarar
Studenten skal kunne gjere greie for:
- Sentrale prinsipp og metodar for rekruttering og seleksjon av medarbeidarar
- Verknaden av ulike typar av lønns- og kompensasjonsystem i organisasjonar - her under om konsekvensar for motivasjon, produktivitet og arbeidsmiljø
- Kva som ligger i omgrepet turnover og drøfte ulike tiltak for som kan medverka til å redusere uønska turnover i verksemder
- Kompetanseutvikling av medarbeidarar - ulike metodar for å vurdere treningsbehov, motivasjon og effektar av ulike personalutviklingstiltak
- Ulike metodar for vurdering og utvikling av medarbeidarar - her under survey feedback, medarbeidarsamtale og kollegabaserte system
- Omgrepet “diversity”, her under korleis verksemda kan forholda seg til individuelle forskjellar som kjønn, alder, kulturell, språkleg og etnisk bakgrunn.
- Personalomsorg etter kriser og ulykker - her under om Verknaden av kollegastøtte og tidlig oppfølging med sikte på å førebygge helseskadar og ta opp igjen arbeidet.
- “Vanskelige” medarbeidarar - korleis kan vi forstå, vurdere og intervenere i slike saker?
- Etiske problemstillingar og dilemma for arbeidsgivarar og ledarar i dagens arbeidsliv.

5. Individet gjennom yrkeskarrieren
Studenten skal kunne gjere greie for:
- Korleis individuelle og kontekstuelle forhold påverkar sosialisering i organisasjonen
- Faktorar som påverkar den enkeltes karriereutvikling i ein organisasjon og mellom organisasjonar
- Korleis verksemda kan legge forholda til rette for “eldre arbeidstakarar” samt nedtrapping og avvikling av arbeidsforhold.

Permanent lenke til posten | RSS på kommentarer